Barmhertziger / gütiger Gott und vater / wir bitten dich ernstlich und mit gantzem hertzen / du wollest alle die jhenigen / so von Christlichem glauben abgewichen / oder sunst mit etlichen stucken irrendt / und mit falscher schedlicher lere behafft oder vergifft sind / veterlich haymsuchen / und wider bringen zu erkantnus jhres irrthumbs / das sie ein lust und gefallen gewynnen ab deyner bestendigen / eynfeltigen / ewigen warhayt / umb Jesus Christus leyden und sterben willen / Amen.