unbekannt

Ach gieb und verleihe du, allerliebster Herr JEsu, daß, wie ich mich jetzo mit dem Leib aufrichte, also ich auch meine Seele und Gemüth von dem Irdischen zu dem Himmlischen mit herzlichem Verlangen erhebe, und mich sehne nach dem, das droben ist. Weil du mich aufrichtig gemacht hast, so verleihe, daß ich meine Augen allezeit zu dir aufhebe und aufrichtig vor dir wandle und handle. Wenn ich auch diesen Tag wider meinen Willen im Gewissen fallen möchte, ach so richte mich alsobald wieder auf mit deiner allmächtigen Gnadenhand. Amen.

unbekannt

Ach mein Herr JEsu! sei du mein Licht, erleuchte mein Herz, daß ich diesen Tag als ein Kind des Lichts wandle, die Werke der Finsterniß fliehe und scheue, und diesen ganzen Tag dir dienen möge. Amen.

unbekannt – Abendgebet

Ein bekantnuß vnd gepet so ein mensch zu beth will geen/ der sprech also zu Christo.

O Herr Jesu Christe/ ich bekenne mich schuldig/ das ich disen tag layder nit zu deinem lob vnnd eeren verbracht hab/ byn dir nit danckbar gewest/ hab deinen todt vnnd bitter marter/ nit recht zu hertzen gefasset/ Ach mein gnediger Herr/ die N. und dise N. greüliche sünd/ hab ich heüt wider deinen götlichen willen gethan das vnd das hab ich versaumbt vnd nit außgericht/ hab mich nichts gebessert/ O du frummer güttiger heylmacher/ verzeyhe es mir/ durch dein theüer adelichs blutuergiessenn/ Bewar mich auch yetzundt dise nacht/ für allen sünden vnnd geferligkeyten/ laß mein hertz in dir ruhen vnd wachsen/ dich zu loben/ Ich befelhe dir heüt vnnd allzeyt/ leyb/ seel/ geyst/ eere/ gut vnd handel/ vnd schaff mit mir nach deinem wolgefallen/ Gib mir gedult vnd gnade/ so es wider meinen verkerten willen gehet/ damit ich diß leben einen jamerthal erkenne/ vnd nur müge seüfftzen nach vnnserm seligen vaterlandt/ den todt frölich begern/ das ich dich im ewigen leben/ mit allen außerwelten/ müge biß ann das ende loben vnnd glorificiren/ Amen. Das wöllest du gnediger Gott vnnd Vater mir verleyhen/ durch das heylige verdienst des leydens Jesu Christi/ Amen.

unbekannt – Ein gar seer hübsche betrachtung von der Treyeinigkeyt/…

so der mensch am morgen auffstehet.

O Ewiger lieblicher glantz/ du aller reynester spiegel der christlichenn anschawung/ O du aller durchleüteste stymm/ Erleüchte3 mich heüt vnd alle stund/ mit deiner götlichen gnaden/ denn ich weyß das von dir ist kummen alle seligkeyt/ barmhertzigkeyt vnd gutheyt/ heyligkeyt/ güttigkeyt vnd miltigkeyt/ O du aller vnergründeste weyßheyt/ du allerheyligste mayestet des götlichen raths vnnd Treyeynigkeyt/ Ich arme dein vnuerdiente bildnuß vnnd sündtliche creatur/ sage dir groß lob vnd danck/ das du mich vnwirdige die verfallen sünderin/ dise nacht bewaret hast für dem bösenn feyndt/ Ich bitte dich du wöllest heüt disen tag/ mein leben vnd arbeyt also wenden vnd richten/ nach deinem wolgefallen/ das ich den gantzen tag nichts anders thu vnd schaff/ denn das dir angeneme sey/ damit ich in meiner arbeyt/ deiner grossen liebe/ die du zu vns hast gehabt/ vnd ich in meiner arbeyt dester duldiger werde Inn meiner anfechtung des fleysches vnnd der zeytlichen gütter/ damit ich arme sünderin gantz vmbfangen bin das du mein hertz wöllest also richten/ das ich disen tag vnd alle stundt/ deiner gutheyt nymmer mer vergesse/ vnd ich mein vertrawen/ gantz setze in deinen willen/ damit ich disen tag nichts wircke/ noch wirckenn müge/ denn das deinen götlichen willen/ angenem vnd wolgefellig sey/ Das helffe mir die heylig Treyeinigkeyt/ Amen.